病人集體欺騙醫生：
1. 佢話淨係想攞定病假紙但係「我唔一定會用架！」— 唔好信。
2. 企喺護士站，賴死唔走，死R要攝位睇醫生。話「自己睇好快，攞少少藥/攞一張半張轉介信咋」 — 唔好信。佢會入到黎之後就慢條斯理睇幾樣嘢，攞三、四張轉介信，同埋十萬隻藥。
3. 次次都成家出動睇醫生，打電話就淨係話自己落嚟 — 唔好信。因為每一次都係「順便行開過嚟不如就睇埋四個啦！」跟住又嫌出藥慢。大佬，一出要出4份，仲要你帶埋小魔怪sssss過嚟，都有幾廿萬隻藥水要倒呀姑娘。
4. 睇開男醫生嘅男病人，係護士站又係R攝位。男醫生晏晝先有位，但係佢話佢晏晝唔得閒，佢就勉為其難睇住女醫生先-咪即係我。
佢之前左邊pat pat生瘡，跟住到右邊pat pat生瘡。係次次都大粒都要搵外科醫生介瘡。入到黎扮晒蟹望住我，又望下我間房#，覺得好神奇點解入咗女醫生間房。坐低話左邊又生番瘡。跟住話自己跟開男醫生，一時大意，唔記得咗同姑娘講。我叫佢同出邊姑娘改返，佢就名正言順話女醫生叫佢睇男醫生喎～～～～ 最尾就成功俾佢朝頭早睇到男醫生。着住西裝嘅斯文敗類！ 用啲仲師奶過師奶嘅手段，鄙視你！！！！
～～～
同呀媽去咗食海南雞飯，可以唔使再去。平啲好食啲嘅海南雞大把。50年代正宗嘅南洋奶茶都只係不過不失。喺馬拉坐低kopitiam飲嘅奶茶好味過佢多多聲。不過出奇地呢個炸豆腐幾好食。
侍應太生手太後生冇經驗，同後面嗰張枱嘅客為咗個午市套餐嘈交。我食住花生其實都幾好睇。2點9去到都仲要同一堆強國人等位，人哋都唔稀罕你嘅生意。港女你慳返啖氣啦。
～～～
禮拜六去咗睇呢套舞台劇。真係好好笑好好睇。嗰個觀眾睇到笑晒出嚟拍晒手。睇返場刊，好多都係攞晒獎影帝級嘅老戲骨。
下次如果再做，你地值得去睇下。佢劇本貼地廣東話對白同改嘅歌詞簡直無敵。
Search